Collection 作品集 / V煞
上一篇
下一篇

V煞

HK$3,000

故事：不一樣的兩週年

一個月前收到個委託
佢想整一個coin俾佢先生做週年禮物
主題想整一套戲的主角
呢套戲我自己都好鐘意
主角全程戴住一個面具
無真實姓名
佢只代表一個概念
有一幕好誇張地佢身中幾十槍後
仲可以反殺對方全隊
當敵人滿頭問號想知點解佢唔會死
佢只係講咗句
面具底下不只是血肉之軀
仲有信念
而信念係刀槍不入的
雖然最後佢都死咗
但呢份信念已經傳到下一個人
同時影響每一個人

呢個角色我好早之前已經整過一次
不過係側面加皇冠
今次佢好想整正面
我記得之前整正面係失敗
因為面具本身立體係基本
做平面會無晒蘋果肌同鼻尖呢啲特徵
當然整到招牌嗰啲鬚同對眼
勉強都可以認得出
但我就過唔到自己嗰關
開始時我都勸退佢做側面
暗地裡偷偷再研究做實驗
以前做唔到唔代表今日做唔到
算係我嘅小小堅持
唔盡力就認輸唔係我風格
經過燒過火爛面，走樣，對眼走咗落個鼻，小丑鼻後
做埋小小debug
終於做到一個自己暫時滿意的版本

佢地本來同普通夫妻一樣
不過2年前經歷咗一件事後
面對高牆一面倒的指控
徹底改變以往安定的生活
而佢地因為一份信念
開始咗佢地赴湯杜火嘅新生活
今日係佢地結婚兩週年

  • 本商品為 「接單訂製」
  • 製作時間： 30 個工作天（不包含假日）
  • 可作吊飾 或 鎖匙扣

如欲購買 或 查詢，歡迎聯絡我們
Any enquiries, please contact us via whatsapp

Whatsapp me